ხშირად ამბობენ, რომ ყოველი წარმატებული მამაკაცის უკან ძლიერი ქალი დგას – მედეასა და იასონის ისტორიაც ამაზე მოწმობს. სწორედ მოსიყვარულე მედეა დაეხმარა იასონს მეფე აიეტის განსაცდელების დაძლევაში და ოქროს საწმისის მოპარვაში. მედეამ გამოიყენა ჯადოსნური ბალახი გველეშაპის დასაძინებლად, რომელიც საწმისს იცავდა.
სერიის მესამე მონეტა ეძღვნება ამ საოცარი სიყვარულის ისტორიის კულმინაციას: იასონისა და მედეას ქორწილს. მონეტის რევერსზე გამოსახულია ერთ-ერთი უმნიშვნელოვანესი სცენა – შეყვარებულები, რომლებმაც ყველა წინააღმდეგობა გადალახეს, საბოლოოდ ერთმანეთის მკლავებში არიან მოქცეული.
მონეტის ავერსზე გამოსახულია მისი უდიდებულესობის, დედოფალ ელისაბედ II – ის პორტრეტი, რომელიც გაფორმებულია ვაზის გამოსახულებით. მონეტა დამზადებულია დაძველებული ვერცხლისგან და გაფორმებულია წითელი ფერის სვაროვსკის კრისტალით. ასევე გამოყენებულია ნაწილობრივი მოოქროვილი, ციფრული ბეჭდვისა და მაღალი რელიეფის ტექნოლოგიები. ეს საკოლექციო მონეტა შესანიშნავი საჩუქარია არა მხოლოდ კოლექციონერებისთვის, არამედ ახალდაქორწინებულებისთვის, როგორც მარადიული და ყოვლისშემძლე სიყვარულის სიმბოლო.
